أحلى الوصفات هنا

شارك برأيك

هل تناسب وصفات مطبخي الصغير احتياجاتك؟

نعم
إلى حد ما
لا

مشاهدة النتائج

نجرسكو.. طبق شهي لإفطار اليوم

نجرسكو.. طبق شهي لإفطار اليوم

مكرونة نجرسكو.أكلات رمضانية

ما رأيك في إعداد صينية نجرسكو لفطار اليوم ..؟ جربيها معي فإنها شهية ولذيذة

المقادير:


1/ 2 كيلو مكرونة أقلام مسلوقة


1/ 2 كيلو صدور فراخ


جبنة موتزاريلّا


ثمرة فلفل رومي مقطّعة شرائح رفيعة


ملعقة كبيرة زبدة

مقادير البشاميل:


2 كوب لبن


2 ملعقة زبدة


2 ملعقة دقيق


ملح وفلفل


بيضة

طريقة الطهي:


- قطّعي الفراخ شرائح صغيرة، وشّوحيها مع الزبدة والفلفل الرومي، لغاية ما تستوي.

 

- لتحضير البشاميل، حمّري الدقيق في الزبدة، لغاية ما يبقى لونه دهبي، وبعد كده ضيفي اللبن مع التقليب السريع والمستمر، علشان الخليط ما يكلكعش منك، واستمري في التقليب على نار هادية لغاية ما تحصلي على خليط متماسك وكثيف بالسُمك اللي إنتِ عايزاه، ولو حسّيتي إنه تقيل ممكن تزوّديه شوية لبن أو شوربة.

 

- بعد كده ارفعي البشاميل من على النار وسيبيه يهدى شويه.

 

- اخلطي المكرونة مع الفراخ، ونصف كمية البشاميل، وقلّبيهم مع بعض كويس، وحطّيهم في صينية الفرن.

 

- اخلطي باقي البشاميل مع البيضة اللي عندك، وتبّليه بالملح والفلفل، وصبّيه على المكرونة، وعلى الوش حطّي الجبنة الموتزاريلا أو الرومي، ودخّلي الصينية في الفرن، وسيبيها لغاية ما الوش يحمرّ، وبعد كده طلّعيها، وممكن تقدّمي مع الطبق ده خيار مخلل.

وبألف هنا